اللى عندة مثل يدخل يقوووولوة

ياجماعه انا عندى فكره وعايزاكم تساعدونى فيها عايزين نجمع اكبر قدر من الامثال اللى ممكن تفيدنا زى مثلا
القرش الابيض ينفع فى اليوم الاسود
ياترى ايه رايكم فى المثل ده وياترى فيه يوم كده صح اسود
ياريت اللى يقدر يساعدنى يبقى مشكور وياااارب الاقى امثال فعلا مفيده

ياقلبى ياكتاكت ياماانت مليان وساكت هههههههههههههه

اللي بياكل ع درسه بينفع نفسه

لازم اشارك مقدرتش امنع نفسي

اللى يتف تفه مايلحسهاش ومعناه ( اللى يقول كلمة مايرجعش فيها)

اللى ما ياخدني كحل في عينيه ما اخده جزمة في رجلي

خلفة البنات تحوج لنسب الكلاب

جوز الاتنين يا قادر يا فاجر


عندي كتير جدا بس خايف عليكم

تحياتي وتقديري

**اكفى القدرة على فمها تطلع البت لامها.
**يا داخل بين البصلة وقشرتها ماينوبك غير دمعتها.
**بره و جوا فرشتلك وانتا مايل وايه يعدلك.

مينى حبينا حبيناه وصارمتعنا متاعة ومن كرهنا كرهنا يحرم علينا اجتماعة

ممكن اشارك معاكم

كل فولة وليها كيال والفولة المسوسة كيلها اعور

حمارتك العارجة تغنيك عن سؤال الليئيم

يا مخلفة البنات يا شايلة الهم للممات

بجد الموضوع حلو اوى وحبيت أشارك بالمثل دة

يا بخت من بكانى ولا ضحك الناس عليا

ايه الحلاوه دى
اسمعوا بقى
حبيبك يمضغلك الزلط وعدوك يتمنالك الغلط
لو الغله قد التبن كانت الحما حبت مرات الابن
يا مامنه للرجال يا مامنه للميه فى الغربال
امشى عدل يحتار عدوك فيك
اللى خادته القرعه تاخدوه ام الشعور
افشر افشر والعشا خبيزه
اللى ميعرفش يقول عدس
يغلبك بالمال اغلبيه بالعيال
كل برغوت على قد دمه
ان كبر ابنك خاويه
العروسه للعريس والجرى للمتاعيس
بكره نقعد على الحيطه ونسمع الزيطه
لا تذم ولا تشكر الا بعد سنه وتلت اشهر
العايط فى الفايت نقصان عقل
وعجبى .........

يا واخده القرد ع ماله بكره يروح المال و يبقي القرد ع حاله

برة وجوة فرشتلك وانت مايل واية يعجبك
هههههههههههههه

ضرب الحبيب زى اكل الزبيب
وانا اصلا مش بحب الزبيب ههههههههه

الحيطان ليها ودان

والمفروض الودان ليها حيطان

لو مش فاهماهه اوي شاوري علي ودانك وعلي الحيطان اللي حوليكي

القرد فى عين امة غزال

ادى الحلق للى بلا ودان

باب النجار مخلع

اللى بيته من ازاز ميحدفش الناس بالطوف

ما يقع الا الشاطر

ان حبيبك عسل متلحسوش كله

الحداية مبتحدفش كتاكيت
عرق ورا ودنها متحبش مرات ابنها

اللى تغلب به العب به

يا واخد القرد على ماله يروح المال ويفضل القرد على حاله