على اثر الثورة المصرية يلا ننظف كليتنا ( حملة لتنظيف الكلية ها مين هيجى معانا)

ازيكم يا بناويت ياقمرات انا عايزة منكم نساعد بعض فى حاجة مهمة يلا بينا ننظف الكلية بايدينا ومش لازم نستنى حد ينظفهالنا طبعا انا غيرت من شباب التحرير ربنا يحميهم فى تنظيفهم للميادين والشوارع وطبعا احنا كمان لازم ننظف الكلية محدش يقول وانا مالى كل واحد مننا هيساهم وبعديين احنا بناااااااااااااااات يعنى اجمل شى فى الدنيا بنلمس الحاجة نجعلها احلى واحلى وطبعا لما ننظفها هيبقى لينا عين نتكلم مع اى حد يوسخها طبعا باسلوب موئدب ونخلى الكلية بتبرق واستحالة بعد ماهنتعب فيها حد مننا يوسخها ومن هنا العاملين على تنظيفها يحافظوا عليها معانا ويارب نعمل دة اول ما ندخل الكلية بنكون اول الايام فاضيين ومش عيب ان احنا نعمل كدة وننظف ولو فى حاجة عايزنها تتصلح خربانة يعنى نقدم طلب باصلاحها لان دة فى خدمة الجميع والكل يتعلم مننا يعنى اية نظافة والنظافة من الايمان فاكييد هيتنفذ واشكركم طولت عليكم بس عايزة ارائكم سواء سلبية او ايجابية ومقترحاتكم ومش عايزة حد ياخد الموضوع بسلبية احنا كثيرا ما تناولنا هذا الموضوع ولكن مكناش احنا اللى ننفذة يلا نجمع اكبر عدد ونشجع بعض مستنية ردودكم وسلام عليكم

السلام عليكم
الموضوع رائع والفكره فعلا كانت فى ذهنى بس انت سبقتينى وقدمتيها فبشكرك عليها بجد وانا متحمس لها جدااا وممكن اساعدك فى تنظيمها بالاتفاق مع ادارة الكلية ويتحدد اليوم ويبقى بمشاركه اكبر عدد من طالبات الكلية وبمشاركه رعاية الشباب وعمال الكليه ونعملها حمله لنظافة وتجميل الكلية

السلام عليكم ورحمة اللة وبركاتة
اولا كل عام وانتم بخير بمناسبة مولد سيد الخلق حبيبى رسول اللة علية افضل الصلاة والسلام
ثانيا احب اشكرك على الفكرة الاكثر من رائعة دى واحب اكون من المشتركين معكم وكمان يكون تحت اشراف الدكتور المحترم دكتور محمد واى حد فى الكلية يحب يساعد بافكار يشترك معانا.
دلوقتى مافيش فى دماغى افكار بس اول ماتيجى افكار هكتبها على طول
عايزين كليتنا على قد ماهى صوغنتوتة قوى بس تبقى جميلة فى عيونا

الفكرة جميله و من اشخاص اجمل
ياريت نحدد يوم و يعلن عنه من قبل بمده كافيه و ان شاء الله انا هشترك معاكوا

بجد اشكرك يا د/ محمد على مبادرتك الجميلة وايضا لدكتورة هند وانا فرحانة بمشاركتكم معانا ليا ولكل البنات الفخر بادارتكم معانا للموضوع ودة مش غريب عليكم ابدا فيارب تكون مشاركة من كل الموجوديين فى الكلية وحضرتك باللى بتقولة هتسهل علينا حاجات كتير وهننجز فى اقل وقت ممكن انا كنت كاتبة ميعاد فى دردشة البنات اول يوم الساعة 10 فى البرجولة فارجو الرد بهل دة يناسب الجميع ولو فية اقتراح تانى بحيث نعمل فى اليوم دة خطة ننجز فيها كل حاجة وازاى القمامة نخرجها من الكلية ونبيض ونعمل كل اللى فى وسعنا ومرة تانية شكرا للجميع وفرحانة جدا بمشاركتكم

ابالنسبة للموعد انا راى انا يكون مش اول يوم فى الدراسه يعنى انا راى يكون فى بداية الاسبوع الثانى من الدراسه والاسبوع الاول يكون للتجهيز لهذا اليوم لانى شايف ان لازم نعمل ملصقات للتوعية باليوم وبدعوة الطالبات الراغبات فى الاشتراك وتجهيز ادوات للنظافة والاتفاق مع العمال علشان نشوف حنعمل ايه فى اى مخلفات والغرض الرئيسى فى راى من الاعلان هو التوعية وان الطالبات اللى مش حتشترك تفهم احنا حنعمل ايه وبالتالى تحافظ على الكلية بعد كده لازم نعرفهم اننا حنعيش حياة جديدة وان الثورة هى الفترة الجايه هى ثورة على النفس فى كل شئ ولازم كلنا نتغير وانا اقترح ان يكون يوم اجازة ونيجى كلنا نشتغل يوم علشان الكلية بتاعتنا يعنى زى يوم السبت مثلا لكن اذا كان اليوم مش مناسب فممكن طبعا يكون اى يوم من ايام الدراسة

انا نسيت اقول حاجه اعتقد حتفرحكم وهى اننا فى وحدة الجودة قد قمنا بطلب بعض المطهرات يعنى زى صابون سائل وجيل مطهر الى اخره من سوائل للتطهير لوضعها بشكل ثابت داخل المدرجات والممرات فى الكلية كلها وقد وافق مشكورا الدكتور مصطفى النشار على هذا الطلب وجارى شراء هذه المستلزمات لتوزيعها بالكلية وسيكون جميل تركيبها بعد حملة النظافة وانا عاوز اقولك ان والله ادارة الكلية متعاونة جدااا للتطوير بس عاوزين افكار منكم ومساعدتكم على التطوير

وانا اوافقك الراى وهذا مقترح جيد سنعمل بة وانشاء الله اقابل حضرتك فى اى وقت حضرتك فاضى فية وايضا اقابل د/هند واجمع انا والبنات اسماء باقى البنات اللى هتشارك ونعمل استعداداتنا فى اول اسبوع ونقسم الكلية مثلا لخمس اماكن رئيسية حسب ما نخطط كلنا مع بعض عشان نجهز لحملتنا لللاسبوع التانى وهنسخ راى حضرتك واحطة فى دردشة بنات عشان الكل يعرف تغيير الميعاد وجميل اوى اللى حضرتك لسةقايلة والله انا حاسة ان الموضوع هيشمل كل فرد فى الكلية وجميل وى اللى بسمعة دة هساعدنا وشكرا لمجهود حضرتك معانا

انا مع راي حضرتك يا دكتور

بس الاسبوع التاني متهيالي بعيد شويه ممكن نقربها شويه

عايزين كليتنا نظيفه في اقرب وقت

مش عايزين نستنا اكتر من كده

عايزين نلغي الروتين من كليتنا

شكرا لحضرتك

ايوة ياهاجر احنا عايزنها بسرعة ولكن مش كل الناس كمان بتيجى فى الاول الايام ودة مكنتش انا وخدة بالى منة وكمان عشلن نعرف هنعمل اية كويس والعامليين كمان كل دة واللى د/محمد قالة وكمان عددنا هيسهل علينا نخلص بسرعة هايلة وشكرا لمشاركتك ومستنية اراءك وردك

خير ان شاء الله

بس الاسبوع التاني هنبدأ دراسه

والايام الاجازه بيبقي صعب علي ناس كتير تيجي خاصه ان في ناس بتسافر

اللي فيه الخير يعمله ربنا

اولا انا بشكر د/محمد عطا جدا على تعاونه معنا بس كنت عايزة الفت النظر لحاجة احنا عايزين تنظيف للكلية وتجميل وتطوير بمعنى بش نخلي الكلية نظيفة وبس لأ عايزين نجملها واللي يدخلها يحس فعلا انها كلية
معلمات واهم حاجة نبتدي بإسم الكلية اللي مكتوب على المبنى لأنه مفيش حد هيقرأه ويعرف ده كلية مين

الفكرة اكثر من رائعة وشكر خاص لدكتور محمد على مشاركته لينا وانا ان شاء الله معاكم

انا معاكم ان شاء الله بس يا ريت تاكدوا على المعاد و انا هحاول اتصل بمن اعرفة و اخبرة و اشجعة على الفكرة و بشكر د محمد كتير بجد الواحد بيفتخر انة معاة فى الكلية و نفسنا ان باقى الدكاترة يبقوا زية

تسلمي بجد عالفكرة جامده
عاوزين الكلية تنضف هو اول اسبوع نعرف البنات ونعمل اعلانات كفايه عشان كله يبقى عارف واليوم ده يكون يوم تنضيف مش هنعمل اي حاجه في الكلية غير التنضيف وهتبقى اجمل لو نزل دكاترة معانا ومعيدين مش مهم يشتغلوا بس نحس انهم معانا
لو لقينا ينات كتير جت من اول اسبوع ممكن نخلي اليوم ده في اخر الاسبوع الاولاني

ana akeed ma3ako 3lashan nekhaly elkolya agmal

اكيييييييييييييييييييييييييييييد كلنا معاكم يابنات وانتو سبقتونا احنا كنا عاملين اعلان وهنحطوا فى الكليه اول لما ننزل وياريت تكون حملة التنظيف مش يوم واحد يعنى نخصص يوم معين كل شهر لنظافة الكليه ويشارك فيه الجميع ويكون اليوم ده ثابت حتى بعد لما نتخرج ان شاء الله عشان ميكونش تحركنا ده مجرد فتره وبعدها خلاص منعملش حاجه لا لازم نحافظ على الروح الايجابيه دى على طول ومنسمحش لاى حد يحبطنا تااااااااااااااااااااااااااااااااانى .

فكرة جامد جدا وانا معااكوووووووووووووووووووووووووووووووو...