على اثر الثورة المصرية يلا ننظف كليتنا ( حملة لتنظيف الكلية ها مين هيجى معانا)

عشره على عشره يا جميل

كان نفسى اكون معاكو فى الكليه و انضف معاكو من اول يوم تبدأ الدارسه

بس هكون مع ولادى فى المدرسه و ان شاء الله هيبقى يوم سياسى رهيب

بس حقيقى لسه معرفتش هعمل ايه بالظبط و فقرات اليوم ايه !

بس الله معكم و ان شاء الله تبقى احلى كليه

و بردوا هقولهالكم تانى .. متصقفوش لحد

شكرا على ردك يا جميل بس محدش لغاية دلوقتى حب يشارك وشكرا عى مرورك ويارب يلقى احلى يوم سياسى

الحمد لله بدأت اثر الثورة تظهر عليكوا يا شباب مصر
بااااااااااااااااااااااااااااارك الله فيكى يا قمر وربنا يجعله فى ميزان حسناتك
انا معاكى للاخر ان شاء الله
بس ممكن نعمل الموضوع ده بشكل منظم يعنى نبدأ الاول نكون فريق ونقوم بتوزيعه فى كل انحاء الكلية وهكذا
ونخلى اول يوم الدراسة دعايه للموضوع ده علشان البنات يشاركوا ، ونخصص صندوق للمصروفات الازمة لاداء مثل اكياس زبالة وجوانتيات وجواريف ومأشات وهكذا
كل ده عايز تنظيم كويس اوى .............وانا معاكى ان شاء الله وربنا ينصرنا يارب ويستخدمنا ولا يستبدلنا

احساس جميييييييييييييييييييييل اوى انك تشتغلى فى جماعة انا جربت فى التحرير الاحساس ده واريد ان اجربه مرة اخرى وانا بتعامل مع بنات كليتى
ومحدش يقول وانا مالى ده شغل الدادات ..........شباب التحرير بدأوا بأنفسهم علشان كده النصر جاء من عند الله
يالا نشد الهمة ونطلع كليتنا للقمة ..................

أنا كمان جربت الإحساس ده فى المنصورة
وفعلا ياشوشو إحساس جميل أوى
الحمد لله إن الثورة حصلت وأنا فى الكلية
لو كنت اتخرجت كنت هبقى زعلانة أوى
معاااااااااااكو طبعااااااااااااا
بس ياريت نتعرف على بعض الأول

ماشى يا بنات الاول نستحضر النيه الخالصة لله وحده
ونحدد ايه اللى احنا محتاجينوا
1_ حد يعمل كروت لدعوة البنات للاشتراك

2_ نعمل جروب على الفيسبوك اسمه (يالا نشتغل بهمة ونطلع كلياتنا القمة ) ندعو فيه كل الكليات المشاركة فى نظافة كلياتهم او حتى الحفاظ على ابقائها نظيفة

3 _ نحاول نطلب من الكلية المساعدة لو هيقدروا يوفرولا لينا الادوات الازمة اكياس زبالة و مقاشات و جوانتيات و ديتول وكمامات .....وهكذا

4_ نحدد مدة الحملة وان يكن اسبوع ونسميه (اسبوع فى حب مصر )

الاول انا احب ان اتعرف عليكوا حتى لا يكون تخطيطنا من خلال النت فقط ...............

انا فرحانة بردودكم جدا وكنت متخيلة انى مش هلاقى ردود فعل ولكن الحمد لله وافكاركم جميلة احنا ممكن فعلا نعمل ورق ونعلقى للاشتراك وبعدين انا حاسة ان لما نبتدى احنا الكل هيجى ويقول بتعملوا اية طب نعمل معاكوا واصدقائنا وهاكذا وكمان نتعرف على بعض ونتقابل اول يوم فى مكان معين فى الكلية بحيث احنا عارفيين اية الخراب اللى فى الكلية بس برضة نبص على اماكن مكناش بنعرفها او الاسطح وكمان نستغها والحممات التى فى المبنى الجديد لاتستخدم لية مع انها جميلة وواسعة كل دة نعملة احصاء واية اللى ممكن نجمل فية ونستغل حتى الاشياء مثل ورق زجاج وهكذا مواهبنا احنا بنعمل شغل فنى كتييييير نستغل الاقصاقيص وحاجات بسيطة ممكن نعمل منها حاجات كتيير يعنى مش مزانية او حاجة وكل واحدة باللى تقدر علية تجيبة ونعملة وكمان حسب فرقنا واوقتنا نعمل دوريات على الاماكن نتابع نظافتها ومن هنا للكل الحق فى مسالة من يهمل المكان ونستغل الاماكن الفاضية نعملها اماكن للشغلونعمل من العلب والمخلفات قمامات يعنى الموضوع بسيط واغلب الناس مش يعنى ممكن لها اكونت على الفيس بعض الناس مش الكل احنا عايزينهم يشاركوا فعليا وبجد اشكركم على افكاركم وعايزيين نبتكر حلول بسيطة نحسن بها الكلية ونخلى الكل يتكلم على كليتنا احسن الكليات وطبعا دة لانفسنا اساسا اوك مستنية تعرفونى بيكم والفرق ونحدد مكان نتقابل فية اوك وانا اسراء محمد عويس فى الفرقة التالتة انا قولت اسمى بعرفكم بيا مش عشان حاجة ومستنياكم تعرفوى بيكميمكن نكون نعرف بعض اسفة طولت عليكم

انا معاكوا بس انتي كتبتي الموضوع في اكثر من مكان وكل واحدة بترد في مكان فيريت تخلوا الموضوع في مكان واحد وفعلا في أماكن كثيرة مهدرة في الكلية وياريت ننظم جدول نمشي من خلاله عشان منسبش مكان دون إستغلال مفيد

اوكى وخلية الكتابة هنا انا كتبتة فى اكتر من مكان لانى فرحانة بالفكرة ونفسى الكل يعرفها والكلية كلها تشارك فيها اوك ها محدش عارفنى علية

الفكرة ده كانت في دماغي من زمان بس كان ليكي انتي اجر المبادرة المهم انا من وجهة نظري ان الكلية محتاجة مننا حاجات أهم من الكنس وغيره وده ضروري كذلك بس لو نبدا بالمدخل ليه مندهنوش وندهن كلمة كلية رياض الأطفال بألوان زاهية بدل اللون الغير معلوم اللي مدهونة بي وفي كمان اسم الكلية اللي على المبنى وده ممكن نطلب من العميد يساعدنا فيها وبعدين نوفر اماكن لوضع الإعلانات بطريقة راقية ومحددة ونظبط الزرع اللي عند المدخل والشغل الجماعي اللي بيبقى زبالة في آخر السنة ليه منتفقش مع البنات لو شغل جماعي ومستغنيين عنه تنبرع بيه لأي دار أيتام يبسطوا بيه الأولاد والألوان طبعا اللي على الرخام والبلاط ده بعض الحاجات اللي في دماغي دلوقتي بس لو نمسك مكان مكان بالترتيب وندلي بكل الإقتراحات اللي ممكن نعملها فيه حتى لو على المنتدى دولقتي وبعدين نطبقها لما نروح الكلية انشاء الله انا آسفة على الإطالة بس فعلا في حاجات كثير عايزين نعملها وانا إشراق في الفرقة الثانية ونتجمع في البرجولةبس نجمع الإقتراحات الأول

اشكرك يا اشراق وافكارك حلوة وخاصة حكاية دار الايتام وكمان ممكن نحط مثلا مجسمات اوحاجات تعبر عن فن الكلية فى المدخل ولابد نهتم بالزبالة اللى جوة الكلية بعد كدة ننظف الوجهة والمدخل كفنش نهائى وانشاء الله نبقى مجموعات واى حاجة نلقيها قدامنا ننظفها مش لازم كل مجموعة ليها حاجة وبس وخلصنا لا كمان نعمل كل حاجة وحشة نعملها بشكل جميل والورق للاعلان عن الفكرة ومكانا عشان اللى يحب يشارك

السلام عليكم ورحمة الله وبركاته
ازيكم يا بنات جميعاً أخباركم إن شاء الله تكون خير كلها
طبعاً أنا بقى لى زمن لم أدخل على المنتدى
ولكن بدخولى اليوم أعجبنى جداً مقترحكم هذا وأنا معكم قلباً وقالباً
وإن شاء من بداية الدراسة يكون بينى وبينكم تواصل حتى يتثنى لى مشاركتكم لأنى لا أعرف
هل فى حد من المجموعة اللى اتكلمت سنة ثالثة هيعرف يوصلنى
وسنة تانية إن شاء سأكون معهم هذا التيرم لذا أتمنى التواصل لتمام هذا العمل الرائع
الذى طالما تمنيت أن ينبع من داخلكم وحباً وإنتمائاً لكليتكم
أما موضوع دار الأيتام فهذا فعلاً ما نقوم به بالنسبة للوسائل والقصص والعرائس
وغيرها مثل معهد الأورام ومستشفى 57357 معهد السمع والكلام بامبابة
وربنا يكرمكم دائماً
السلام عليكم ورحمة الله وبركاته

اشكرك يا دكتورة هند على اهتمامك ونورتى الموضوع وانا من الفرقة التالتة وحضرتك عرفانى نقدر طبعا كلنا نتواصل من اجل ان احنا نخلى الكلية احسن كلية فى الجامعة والجامعة كلها تتكلم عن نظافة كلينا وبنات الكلية وحاسة ان الموضوع هيبقى تحفة ونخلى الكلية بتبرق بس محتاجيين معاونة من العامليين بالكلية مثل لويوجد مخزن لادوات انظافة نستخدمها ونرجعها تانى وكل واحدة باللى تقدر علية وشكرا لحضرتك

اشكرك يا دكتورة هند على اهتمامك .........وانا من الفرقة التانية ومتشوقة جدا اتعامل مع حضرتك الترم ده
ان شاء الله هيكون احسن ترم
انا بجد نفسى نكمل الموضوع ده على اكمل وجه وتطلع كليتنا للقمة بجد
ان شاء الله نتعاون مع بعض ونعمل بجد هنحقق الهدف المطلوب

جميلة روحك يا شوشو للعمل ويار بالموضوع يتم على خير

ها يا بنات عايزين نحدد مكان نتقابل فية ونحط خطة حملتنا لتنظيف الكلية ومقتراحتنا اول يوم فى البرجولة الساعة 10 هل دة يناسبكم واللى راى تانى يكتبة اوك مستنية ردودكم

معاكو ان شاء الله

اوكى يا نور واكيد هتنورينا بافكارك

بنشكرك جدا يا دكتورة هند وده طبعا مبادرة بش غريبة على حضرتك وانشاء الله ننجز العمل في اجمل ما يكون وكلامك تمام يا اسراء بس لما نتجمع ياريت كل واحدة قبل ما تيجي تحط في دماغها إقتراحات ممكن نعملها وازاي نعملها .

اشكرك يا حقل البراعم على متابعتك وانشاء الله اول يوم فى البرجولة الساعة 10 اوك

ان شاء الله هنكون فى الميعاد مع بعض

(على فكرة دكتور محمد عطا رد عليكى فى الموضوع اللى انتى حاطه فى قسم اخبار الكليه وفى بنت كمان ردت هناك )

على خير ان شاء الله ........................

انا معاكوا يا بنات

أكيد ان شاء الله احنا معاكو عايزين نخلي كليتنا زي ما هيا جميله ببناتها ودكاترتها لازم تكون جميله بنظافتها
شكرا لحضرتك يا دكتوره هند لتشجيعنا وكمان لدكتور محمد
وان شاء الله نتقابل بيكوا يابنات علي خير لنجعل كليتنا تتقدك للامام ببناتهد

شكرا للكل ولشوشو انا لسة ردة على البنت ود/محمد وفرحانة جدا بمشاركتكم وخلاص كد ا نثبت الميعاد ولا نغيرة الميعاد الساعة 10 فى البرجولة اول يوم وكنت مستنية ردك يا ايمان فانا معاكى فى الدفعة ومشاركتك انتى وكل البنات تخلى كليتنا كلها تحفة وطبعا بمبادرة د/ محمد ود/ هند