على اثر الثورة المصرية يلا ننظف كليتنا ( حملة لتنظيف الكلية ها مين هيجى معانا)

انا شوفت راى د/ محمد يا بنات وعجبنى هذا الراى وهو( ابالنسبة للموعد انا راى انا يكون مش اول يوم فى الدراسه يعنى انا راى يكون فى بداية الاسبوع الثانى من الدراسه والاسبوع الاول يكون للتجهيز لهذا اليوم لانى شايف ان لازم نعمل ملصقات للتوعية باليوم وبدعوة الطالبات الراغبات فى الاشتراك وتجهيز ادوات للنظافة والاتفاق مع العمال علشان نشوف حنعمل ايه فى اى مخلفات والغرض الرئيسى فى راى من الاعلان هو التوعية وان الطالبات اللى مش حتشترك تفهم احنا حنعمل ايه وبالتالى تحافظ على الكلية بعد كده لازم نعرفهم اننا حنعيش حياة جديدة وان الثورة هى الفترة الجايه هى ثورة على النفس فى كل شئ ولازم كلنا نتغير وانا اقترح ان يكون يوم اجازة ونيجى كلنا نشتغل يوم علشان الكلية بتاعتنا يعنى زى يوم السبت مثلا لكن اذا كان اليوم مش مناسب فممكن طبعا يكون اى يوم من ايام الدراسة ) خلاص يا بنات قولوا رايكم برضة انا عاجبانى ان التوعية تاخد فترة شوية عشان كمان مش الكل بيجى فى الاول انتوا اية رايكم لو موافقيين يبقى هنخلى ميعاد الساعة 10 فى البرجولة عشان نتعرف على بعض ونشوف هنعمل اية فى اول اسبوع مستنية ردودكم

انا دخت وراكي اتابع فين بالظبط؟

بس ان شاء الله نتقابل ونظم ونكون ايجابين ولو مره في حياتنا

دي البدايه يا شباب

شكرا لكى يا هاجر

يا بنات بيقولوا ان الدراسة يوم 26 يعنى اتأجلت اسبوع ..........
يالا كل تأخيره وفيها خيره ............
ماعدنا بقى اول يوم دراسة الساعة 10 ان شاء الله

بجد انتى متاكدة لو كدة هيكون اول يوم دلراسة الساعة 10 فى البرجولة عشان نشوف المقترحات ووضع خطة لتجميل وتنظيف الكلية متفق عليها بينا كلنا عشان نبتدى من الاسبوع التانى او من اخر الاسبوع الاول ونشوف اية المساعدات التى يمكن ان تقدمهلنا الكلية وراى دكتور محمد ودكتورة هند ومشاركتهم معانا فى الموضوع اوك يا احلى بنات

اوك

ربنا يعين

انشاء الله على المعاد وفعلا راي الدكتور محمد عطا صح لازم نعمل توعية الأول عشان حتى اللي مبيطلعش على المنتدى يعرف وانا متاكده في ناس كثيرة هتشارك وربنا يوفقنا أجمعين

ربنا انشاء الله هيوفقنا طالما روحنا جميلة وعايزيين نعمل حاجة جميلة تشرف كل واحدة فى الكلية وبجد انا بحبكم فى الله

احبك الذي احبتتينا فيه

اكيد مع راي الدكتور محمد اننا لازم نعمل توعيه الاول وان شاء الله نقدر نعمل كل حاجه ونخلي الكليه احسن واحسن
واكيد زي ما قلتلك اكيد معاكي ان شاء الله

يا بنات احنا على موعدنا انشاء الله وعايزين كلنا جايين بأفكار ومقترحات لكل حاجة عشان نتفق وندعوا وننفذ

بس هو اناحاسه ان فيه تخابط ليه
يعني ازاي انا هحصر معاكوا ف البرجوله الساعه 10 و بعديها ف مدرج الثوره الساعه11 هل هتلحقوا تخلصوا ف ساعه و لا ايه و لا انا اللي فاهمه حاجه غلط و لا ايه
يا جدعان حد يرسيني ع بر