الكوسة بالبشاميل على طريقة الشيف شربينى

المقادير
كيلو كوسه مقشره و مقطعه حلقات مدوره
بصله مفرومه ناعم + 4 فصوص توم مفرومين
زعتر ناشف + نعناع ناشف+أي أعشاب أخرى تحبينها
2 مكعب ماجي
جبن موتزاريلا

بالنسبه للبشاميل :1 مكعب ماجي +3 ملاعق دقيق+3 ملاعق زبده +3 كوب لبن.

الطريقه
نضع زبده+زيت في الطاسه تم نشوح البصل و التوم لحد ما يصفروا خالص
ثم نضع 2مكعب ماجي و الزعتر و النعناع و أي أعشاب أخرى تفضلينها
ثم نضع حلقات الكوسه و تترك على النار لحد ما تبقى سوتيه كده و دبلت , المهم ماتقلبهاش كتير عشان ماتجبش ميتها.
قرب السواء نضع الملح و الفلفل.

البشاميل:نضع الزبده على النار و معاها مكعب الماجي لحد ما يسيح ثم نضع الدقيق و يقلب سريعا سريعا عشان مايكلكعش بمضرب البيض اليدوي

ثم نضع اللبن تدريجيا و نقلب برضه كويس و بعد ما نحط كل اللبن نسيبه على النار لحد ما يعمل البشاميل السمك اللي إنتي عوزاه و كل ما تقلبيه أكتر كل ما يكون سميك أكتر. ثم نضع الملح و الفلفل.

بس المهم هنا في الوصفه دي البشاميل يكون خفيف شويه عشان الكوسه تتشرب منه

ثم نرص كل الكوسه في صينيه و من فوقها كل البشاميل و على الوش نرش جبنه موتزاريلا.

ثم نضع الصينيه في الفرن تقريبا مدة ساعه إلا ربع على درجة حراره 190 أو 200.

و بالهنا و الشفا

تسلم الأيادى يا أطياف
نفسى اجرب بس للاسف مليش فى الكوسه خااااالص
بس عندى إستفسار
هى بتتعمل من غير لحمه مفرومه ولا ايه ؟؟؟

تسلمى على مرورك
بصراحة ولا أنا ليا فى الكووووووسة بس ممكن لما نغير طريقة الطبخ نحبها شوية
أعتقد إن دى بتتعمل من غير لحمة
وفى نوع تانى بتتعمل باللحمة

تسلم أديكى

و أسمحيلى أضيف الفيديو دا للحلقة لمزيد من التوضيح